Saqqummersitat ataavartut

Katersugaatit paasissutissartalersorneqarsimasut alakkarterluni takuneqarsinnaapput. Inimi pequtit 1900-kkut aallartinneranneersut. Piniutit, qajaq qamutillu. Assitoqqat Aasianni assilisat siulliit. Arfanniarnermi atortut. Annoraat kalaallisuullu piffissap ingerlanerani allanngorneri malillugit inississorneqarsimasut.

Thulekulturi Qeqertarsuup Tunuatungaani (1200)

Ilimagineqarpoq inuit 1150-kkunni Kalaallit Nunaata avannaatungaanit Qeqertarsuup Tunuata avannaatungaanut apissereersimasut. Ateq “Thulekultur” Therkel Mathiassenimit (1892-1967) ilisaritinneqarpoq. 1920-kkunni Knud Rasmussenip tallimassaanik Thulemit ilisimasassarsiornerani itsarnisarsiornermik misissueqataasimasoq.

Illu issumik ujaqqamillu qammagaq, illup ilua 1900-kkut aallartinneranni

1800-kkut naalerneranni 1900-kkullu aallartinneranni najugarineqarsimavoq. Saqqummersitaq katersugaasivimmiittoq pequtit pingaarnerutillugit assersuutaavoq. Illu issumik ujaqqamillu qammagaq oqaluffiup eqqaaniittoq katersugaasiviup pigisarilernikuusaa alakkarneqarsinnaavoq.

Piniutit

Qanga piniarneq annerusumik inuussutissarsiutaavoq. Puisinniarneq, aaffanniarneq kiisalu assigiinngitsunik mikinerniit anginernut arfanniarneq. Ilimagineqarpoq Thulekulturip inui kisiartaallutik qamuteqarnikuussasut. Ukiukkut qimussimik piniarneq ingerlanneqarpoq.

Nalliuttorsiutit

Kalaallisooq piffissap ingerlanerani allanngoriartorsimavoq, annoraarli allanngorpiarsimanani. Qanga ulluinnarsiutit, ullutsinnilu nalliuttorsiutit tulleriiaartumik inississukkat katersugaasivimmi takuneqarsinnaapput.

Umiaq amernik amerneqarsimasoq, aappaalu tingerlaatissiamik amerneqarsimasoq

Naliginnaasumik umiaq sanimut 8-10 meterisut takissuseqartarpoq, qummullu 1,50 meterisut portussuseqartarluni.