Aasiaat Katersugaasiviata nittartagaanut tikilluarit. Sumiiffiup oqaluttuarisaaneranut tunngasunik katersugaasivittut ilisimaneqarpoq. Qanga niuertoqarfiusimasumi niuertup illuani inissisimalluni.

Katersugaatit assingi oqaasertalersorneqarsimasut misissorneqarsinnaapput. Illoqarfiullu Aasiaat oqaluttuassartaa iserfigineqarsinnaalluni.

Saqqummersitat katersugaasivimmiittut Qeqertarsuup Tunuatungaani Thulekulturip oqaluttuassartaanut atassuteqarput

Sanaartukkat, eqqumiitsuliat, assitoqqat, angalaartitallu immikkut ittumik saqqummiunneqartarput.

Katersugaasivimmut pulaartut pisiniarsinnaapput atuakkanik, plakatinik, assinik postkortinillu, nunap assiginik, sanaartukkanillu, allallu.

Isernissamut akiliut 30,-. Katersugaasiviup ammasarfiisa avataani ammatitsineq (akunneq ataaseq 200,-). Saniatigut inuk ataaseq 30,- mik akiliilluni. Katersugaasivimmut immikkut isumaqatigiissuteqarluni matoqqanerani isertoqassaaq. Innuttaasunut, atuarfik aqqutigalugu pulaarneq akeqanngilaq.